Անտուան Գրիզմանը կրկնեց Միխայել Բալակի անհաջողությունը
13:30 11 հուլիսի, 2016Ֆրանսիայի հավաքականի ու Մադրիդի «Աթլետիկոյի» հարձակվող Անտուան Գրիզմանը, Եվրո-2016-ի եզրափակիչում պարտվելով պորտուգալացիներին, դարձել է երկրորդ ֆուտբոլիստը, որը նույն տարում պարտվում է Եվրոպայի առաջնության ու Չեմպիոնների լիգայի եզրափակիչներում, հայտնում է uefa.com-ը:
Նախկինում նման բան տեղի ունեցել էր միայն գերմանացի Միխայել Բալակի հետ: Եվրո-2008-ի եզրափակիչում նա Գերմանիայի հավաքականի կազմում պարտվել էր իսպանացիներին, իսկ դրանից առաջ Լոնդոնի «Չելսիի» հետ Չեմպիոնների լիգայի եզրափակիչում պարտվել էր «Մանչեսթեր Յունայթեդին»:
Հիշեցնենք, որ Անտուան Գրիզմանը 6 գոլով դարձել էր Եվրո-2016-ի լավագույն ռմբարկու: Փարիզի «Ստադ դե Ֆրանս» ստադիոնում կայացած եզրափակիչում պորտուգալացիները լրացուցիչ ժամանակում նվազագույն հաշվով հաղթել էին Ֆրանսիային՝ պատմության մեջ առաջին անգամ դառնալով Եվրոպայի չեմպիոն: Պորտուգալիայի հավաքականը 25-րդ րոպեից խաղում էր առանց Մադրիդի «Ռեալի» հարձակվող Կրիշտիանու Ռոնալդուի, որը վնասվածքի պատճառով չկարողացավ շարունակել խաղը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.