Դիմիտրի Պայետ. Չէի ցանկանում վնասվածք հասցնել Ռոնալդուին, դա իմ ոճը չէ (ֆոտո)

11:45   11 հուլիսի, 2016

Ֆրանսիայի հավաքականի եւ Լոնդոնի «Վեստ Հեմի» կիսապաշտպան Դիմիտրի Պայետը մեկնաբանել է Եվրո-2016-ի եզրափակիչ խաղի այն դրվագը, որում վնասվածք էր հասցրել Պորտուգալիայի հավաքականի առաջատար Կրիշտիանու Ռոնալդուին:

«Դա սովորական մենապայքար էր, առանձնահատուկ ոչինչ չկար: Ինձ հաջողվեց խլել գնդակը, եւ եթե Ռոնալդուն տուժեց, ապա ես չէի ցանկանում դա: Խաղադաշտում կեղտոտ հնարքներ կատարելն իմ ոճը չէ: Կարող եք չկասկածել դրանում»,- Պայետի խոսքը մեջբերում է Goal.com-ը:

Հիշեցնենք, որ Փարիզի «Ստադ դե Ֆրանս» ստադիոնում կայացած եզրափակիչի 25-րդ րոպեին Մադրիդի «Ռեալի» հարձակվողը փոխարինվեց ծնկի վնասվածքի պատճառով, սակայն դա Պորտուգալիայի հավաքականին չխանգարեց հաղթել լրացուցիչ ժամանակում եւ պատմության մեջ առաջին անգամ դառնալ Եվրոպայի չեմպիոն: Պորտուգալիայի հավաքականի բժիշկների ախտորոշմամբ, Ռոնալդուից մեկ ամսից ավելի է պահանջվելու վերականգնման համար:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.