Ռոնալդու. Կարիերայիս ամենագեղեցիկ պահն է
03:09 11 հուլիսի, 2016Մադրիդի «Ռեալի» հարձակվող Կրիշտիանու Ռոնալդուն Պորտուգալիայի հավաքականի կազմում ֆուտբոլի Եվրոպայի չեմպիոն դառնալուց հետո կիսվել է տպավորություններով:
«Ես երջանիկ եմ եւ այս պահի մասին երազել եմ 2004-ից: Կարծում եմ՝ մեր երկիրն արժանի էր այս հաղթանակին: Այսօր, ցավոք, վնասվածքի պատճառով ստիպված եղա ժամանակից շուտ լքել խաղադաշտը: Սակայն միշտ հավատացել եմ մեր թիմին ու մարզիչի մարտավարությանը: Սա իմ կարիերայի ամենագեղեցիկ պահն է»,- ասել է 31-ամյա Ռոնալդուն, փոխանցում է Goal.com-ը:
Հիշեցնենք, որ Փարիզի «Ստադ դե Ֆրանս» ստադիոնում կայացած եզրափակիչում Պորտուգալիայի հավաքականը լրացուցիչ ժամանակում նվազագույն հաշվով հաղթել էր ֆրանսիացիներին՝ պատմության մեջ առաջին անգամ դառնալով Եվրոպայի չեմպիոն: Ռոնալդուն վնասվածքի պատճառով փոխարինվել էր 25-րդ րոպեին: Նախնական ախտորոշմամբ, նրա ապաքինման համար կպահանջվի մեկ ամսից ավելի:
Ուելսի հավաքականի դեմ կիսաեզրափակիչի խաղում 31-ամյա Ռոնալդուն 9-րդ գոլն էր խփել Եվրոպայի առաջնության եզրափակիչ մրցաշարերում եւ կրկնել ֆրանսիացի լեգենդար ֆուտբոլիստ Միշել Պլատինիի ռեկորդը: Եզրափակիչում աչքի ընկնելու դեպքում նա կդառնար Եվրոների պատմության լավագույն ռմբարկուն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.