Եվրո-2016. Ռոնալդուն չկարողացավ շարունակել եզրափակիչ խաղը (ֆոտոշարք)
23:25 10 հուլիսի, 2016Ֆուտբոլի Պորտուգալիայի հավաքականի առաջատար Կրիշտիանու Ռոնալդուն չկարողացավ շարունակել ֆրանսիացիների դեմ Եվրո-2016-ի եզրափակիչ խաղը:
Փարիզի «Ստադ դե Ֆրանս» ստադիոնում ընթացող հանդիպման 9-րդ րոպեին Մադրիդի «Ռեալի» հարձակվողը վնասվածք ստացավ Դիմիտրի Պայետի հետ բախման պատճառով: Ռոնալդուն վերադարձավ խաղադաշտ եւ խաղում էր ցավերով, սակայն քիչ անց դարձյալ ստիպված էր լքել խաղադաշտը՝ չկարողանալով զսպել արցունքները: 25-րդ րոպեին նրան փոխարինեց պորտուգալական «Պորտուի» կիսապաշտպան Ռիկարդո Կուարեժման:
Ընթանում է առաջին խաղակեսը: Ֆրանսիացիներն ունեն առավելություն, բայց հաշիվը չի բացվել:
Հիշեցնենք, որ Ուելսի հավաքականի դեմ կիսաեզրափակիչի խաղում Ռոնալդուն 9-րդ գոլն էր խփել Եվրոպայի առաջնության եզրափակիչ մրցաշարերում եւ կրկնել ֆրանսիացի լեգենդար ֆուտբոլիստ Միշել Պլատինիի ռեկորդը: Եզրափակիչում աչքի ընկնելու դեպքում նա կդառնար Եվրոների պատմության լավագույն ռմբարկուն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.