Դիդյե Դեշամ. Հպարտ եմ ու երջանիկ

12:10   8 հուլիսի, 2016

Ֆուտբոլի Ֆրանսիայի հավաքականի գլխավոր մարզիչ Դիդյե Դեշամը Եվրո-2016-ի կիսաեզրափակիչում աշխարհի գործող չեմպիոն Գերմանիայի նկատմամբ հաղթանակից հետո պատմել է տպավորությունների մասին:

«Լի եմ հպարտությամբ ու ուրախությամբ: Հպարտ եմ իմ ֆուտբոլիստներով: Մենք դժվար հանդիպում անցկացրինք բարդ մրցակցի հետ, որը բարդ դրության մեջ էր գցել մեզ: Ինչ էլ որ լինի, մենք եզրափակիչում ենք: Ցանկանում եմ հատուկ շնորհակալություն հայտնել երկրպագուներին: Ինչ վերաբերում է խաղին, ապա առաջին խաղակեսում գնդակը Գերմանիայի մոտ էր, իսկ ընդմիջումից հետո մենք էինք վերահսկում այն: Պետք չէ մոռանալ, որ խաղում էինք աշխարհի լավագույն հավաքականի հետ»,- Դեշամի խոսքը մեջբերում է France Football-ը:

Հիշեցնենք, որ Մադրիդի «Աթլետիկոյի» հարձակվող Անտուան Գրիզմանի դուբլի շնորհիվ ֆրանսիացիները 2:0 հաշվով հաղթեցին կիսաեզրափակիչում, իսկ հուլիսի 10-ին Փարիզի «Ստադ դե Ֆրանս» ստադիոնում կայանալիք եզրափակիչում կմրցեն Պորտուգալիայի հավաքականի հետ, որին հաղթել են նախորդ 10 խաղերում՝ չպարտվելով 41 տարի:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։