Յոահիմ Լյով. Եզրափակիչում Ֆրանսիան կհաղթի Պորտուգալիային

11:41   8 հուլիսի, 2016

Ֆուտբոլի Գերմանիայի հավաքականի գլխավոր մարզիչ Յոահիմ Լյովը մեկնաբանել է Եվրո-2016-ի կիսաեզրափակիչում ֆրանսիացիներից կրած պարտությունը:

«Ֆրանսիան արժանի էր եզրափակիչ դուրս գալուն, դրա հետ բարդ է չհամաձայնել, քանի որ նրանք կիսաեզրափակիչում հաղթեցին 2:0 հաշվով: Կարծում եմ՝ եզրափակիչում Ֆրանսիան կհաղթի Պորտուգալիային: Պորտուգալացիները դեռ լավ խաղ չեն ցուցադրել այս մրցաշարում: Ֆրանսիացիներն ունեն լավ թիմ, բայց մենք ավելի լավ խաղացինք այսօր: Մրցաշարը հաջող էր դասավորվում մեզ համար եւ մենք ցուցադրում էինք հիանալի խաղ: Իմ ֆուտբոլիստները մեծ ձգտում էին դրսեւորում խաղերին ու մարզումներին: Նույնիսկ նրանք, ովքեր դուրս չէին գալիս խաղադաշտ, օգնում էին թիմին: Վերլուծելու գրեթե ոչինչ չկա: Ես իմ թիմի մասնակցությամբ սխալներ չտեսա:

11 մետրանոցի դրվագում հաջողությունը երես էր թեքել մեզանից: Երբ մենք պարտվեցինք Եվրո-2012-ի կիսաեզրափակիչում ու ԱԱ-2010-ում, մրցակիցը մեզանից ուժեղ էր: Այսօր ուժեղ էինք մենք, բայց հաղթեց Ֆրանսիան: Խեդիրայի, Հումելսի, Գոմեսի ու Բոատենգի բացակայությունը զգալ տվեց: Նրանք ուժեղ ֆուտբոլիստներ են, որոնց փոխարինելը շատ բարդ է: Սակայն տղաներն այսօր արեցին հնարավոր ամեն բան: Վնասվածք ստացածներին փոխարինածները ցուցադրեցին իրենց ուժերի առավելագույնը»,- Լյովի խոսքը մեջբերում է ՈւԵՖԱ-ի կայքը:

Հիշեցնենք, որ աշխարհի գործող չեմպիոն Գերմանիան կիսաեզրափակիչում 0:2 հաշվով պարտվել էր Ֆրանսիայի հավաքականին, որը հուլիսի 10-ին Փարիզի «Ստադ դե Ֆրանս» ստադիոնում կայանալիք եզրափակիչում կմրցի պորտուգալացիների հետ:

Պորտուգալիայի եւ Ֆրանսիայի հավաքականի միջեւ նախորդ 10 դիմակայություններում հաղթել են ֆրանսիացիները: Պորտուգալացիները նախորդ անգամ Ֆրանսիային հաղթել են 41 տարի առաջ՝ 1975-ի ապրիլի 25-ին կայացած ընկերական խաղում (2:0):



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.