Հայաստանի հավաքականի հիմքի վրա ստեղծվելիք ակումբը կմասնակցի Ռուսաստանի Սուպերլիգային
14:02 7 հուլիսի, 2016Բասկետբոլի տղամարդկանց Հայաստանի հավաքականի խաղացողներով կձեւավորվի նոր ակումբ, որը հանդես կգա Ռուսաստանի Սուպերլիգայում։ Այս մասին լրագրողների հետ հանդիպամ ընթացքում ասաց Հայաստանի բասկետբոլի ֆեդերացիայի փոխնախագահ Արա Պողոսյանը։
«Այժմ ֆեդերացիան, հավաքականի գլխավոր մարզիչ Տիգրան Գյոկչյանի հետ աշխատում է հավաքականի անդամներից բաղկացած նոր ակումբ ստեղծելու ուղղությամբ։ Մի քանի օրից արդեն կհայտարարենք այն 8 բասկետբոլիսների անունները, որոնք կլինեն ակումբի թիմի կազմում։ Թիմի գլխավոր մարզիչի պաշտոնը կրկին կվստահվի Տիգրան Գյոկչյանին»,- ասաց Արա Պողոսյանը։
Ֆեդերացիայի փոխնախագահի փոխանցմամբ, հայկական բասկետբոլային ակումբը կմասնակցի այս տարվա հոկտեմբերին մեկնարկելիք Ռուսաստանի Սուպերլիգային։
«Թիմը հանդես կգա սուպերլիգայում։ Ինչպես հարկն է կանցկացնենք նաեւ տնային հանդիպումներ, որոնք տեղի կունենան Երեւանի «Միկա» մարզահամալիրում։ Երբ հայտարարենք 8 բասկետբոլիստների անունները եւ ակումբի անունը, դրանից հետո նոր կսկսենք մարզումները, կանցկացնենք նաեւ մի քանի ընկերական հանդիպումներ»,- նշեց Արա Պողոսյանը։
Հիշեցնենք, որ Հայաստանի հավաքականն առաջին անգամ նվաճել է Եվրոպայի փոքր երկրների առաջնության չեմպիոնի տիտղոսը:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.