Ռոնալդու. Պորտուգալիայի հավաքականը միայն Կրիշտիանուն չէ
11:41 7 հուլիսի, 2016Մադրիդի «Ռեալի» հարձակվող Կրիշտիանու Ռոնալդուն մեկնաբանել է Պորտուգալիայի հավաքականի՝ Ուելսի նկատմամբ 2:0 հաշվով հաղթանակ Եվրո-2016-ի կիսաեզրափակիչում:
«Միշտ երազել եմ Պորտուգալիայի հավաքականի հետ հաղթել մեծ մրցաշարում: Հունաստանի դեմ 2004-ին կայացած եզրափակիչում ես 18 տարեկան երիտասարդ էի: Այժմ ես փորձառու եմ եւ շատ բանի եմ հասել ֆուտբոլում: Վստահ եմ իմ ու հավաքականի վրա: Կարծում եմ՝ մենք արժանի էինք այս եզրափակիչին:
Ակնհայտ է, որ մենք ցանկանում ենք իրականացնել մեր երազանքը: Ունենք հրաշալի թիմ: Պորտուգալիայի հավաքականը միայն Կրիշտիանուն չէ: Մեր խաղացողներից շատերն են գոլ խփել այս առաջնությունում:
Խաղից հետո Բեյլի հետ հանգիստ զրուցեցինք, բայց շատ բան չեմ պատմի զրույցից: Ես նրան շնորհավորեցի այս մրցաշարում շքեղ խաղի համար: Ուելսը զարմացրեց ամբողջ աշխարհին: Նրանք կեցցեն: Գարեթը թիմին տանում էր դեպի հաջողությունը»,- 31-ամյա Ռոնալդուի խոսքը մեջբերում է Goal.com-ը:
Հիշեցնենք, որ Լիոնում կայացած խաղում Ռոնալդուն 9-րդ գոլը խփեց Եվրոպայի առաջնության եզրափակիչ մրցաշարերում եւ կրկնեց ֆրանսիացի լեգենդար ֆուտբոլիստ Միշել Պլատինիի ռեկորդը: Պորտուգալացիները հաղթել էին 2:0 հաշվով, իսկ հուլիսի 10-ին անցկացվելիք եզրափակիչում կմրցեն Գերմանիա - Ֆրանսիա զույգի հաղթողի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.