Հենրիխ Մխիթարյան. Մեծ պատիվ է լինել առաջին հայ ֆուտբոլիստը Պրեմյեր լիգայում
20:40 6 հուլիսի, 2016Մեծ պատիվ է լինել առաջին հայ ֆուտբոլիստը Անգլիայի Պրեմյեր լիգայում, «Մանչեսթեր Յունայթեդը» Հայաստանում ամենահայտնի ակումբներից մեկն է, ասել է Դորտմունդի «Բորուսիայից» անգլիական ակումբ տեղափոխված Հայաստանի հավաքականի կիսապաշտպան Հենրիխ Մխիթարյանը «Մանչեսթեր Յունայթեդի» ակումբային հեռուստաալիքին:
«Մեծ հնարավորություն ու նոր մարտահրավեր է ինձ համար խաղալ «Մանչեսթեր Յունայթեդում», կձգտեմ ցուցադրել իմ լավագույն որակները: Գործոններից մեկը Ժոզե Մոուրինյոն էր «Մանչեսթեր Յունայթեդն» ընտրելու հարցում, բայց դժվար է մերժել այսպիսի թիմի առաջարկը: Ինձ համար հաճելի կլինի խաղալ Ռունիի, Իբրահիմովիչի նման խաղացողների հետ: Հրաշալի մրցաշրջան է սպասվում: Կարծում եմ՝ ամեն ինչ ճիշտ է իմ կյանքում, եւ քայլ առ քայլ առաջ եմ գնում:
Պրեմյեր լիգան աշխարհի ուժեղագույն առաջնությունների մեկն է եւ ուրախ եմ լինել այստեղ: Կագավան ու Յանուզայը իմ ընկերներն են եւ քննարկել ենք «Մանչեսթեր Յունայթեդ» տեղափոխվելս: Այժմ ես այստեղ եմ: Իմ երկրում եւս սպասում էին այս տեղափոխությանը:
Տարօրինակ կլինի մրցել նախկին թիմակիցներիս հետ, այն էլ հենց առաջին խաղում, բայց ինչ արած, «Մանչեսթեր Յունայթեդն» այժմ իմ նոր թիմն է: «Օլդ Տրաֆորդը» աշխարհի ամենահրաշալի ստադիոնների մեկն է, շատ հետաքրքիր կլինի խաղալ այստեղ»,- ասել է Հենրիխ Մխիթարյանը:
27-ամյա ֆուտբոլիստը չորս տարվա պայմանագիր է կնքել «Մանչեսթեր Յունայթեդի» հետ, որը հուլիսի 22-ին Չինաստանի Շանհայ քաղաքում ընկերական հանդիպում կանցկացնի Դորտմունդի «Բորուսիայի» հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.