Հենրիխ Մխիթարյան. Այսպիսի մեծ ակումբում խաղալով՝ հարգում եմ հորս հիշատակը
19:39 6 հուլիսի, 2016Դորտմունդի «Բորուսիայից» «Մանչեսթեր Յունայթեդ» տեղափոխված Հայաստանի հավաքականի կիսապաշտպան Հենրիխ Մխիթարյանը շնորհակալություն է հայտնել անգլիական ակումբի ղեկավարությանն ու պորտուգալացի գլխավոր մարզիչ Ժոզե Մոուրինյոյին վստահության համար:
«Շատ հպարտ եմ, որ դարձա «Մանչեսթեր Յունայթեդի» մասնիկը: Հաղթանակների հարուստ պատմությունով ակումբում եմ: Հույս ունեմ երկար տարիներ դառնալ այդ պատմության մի մասը: Շնորհակալ եմ ակումբի եւ Ժոզե Մոուրինյոյին վստահության համար:
Եվ ամենագլխավորը՝ հավատում ե, որ այսպիսի մեծ ակումբում խաղալով, հարգում եմ հորս հիշատակը՝ մանկությանս տարիներին ինձ տված ներշնչանքի եւ խթանի համար»,- Հենրիխ Մխիթարյանի խոսքը մեջբերում է «Մանչեսթեր Յունայթեդի» մամուլի ծառայությունը:
Հիշեցնենք, որ 27-ամյա ֆուտբոլիստը «Մանչեսթեր Յունայթեդի» հետ կնքել է չորս տարվա պայմանագիր՝ եւս մեկ տարով երկարաձգելու հնարավորությամբ: Տրանսֆերի պաշտոնական արժեքը չի հրապարակվել:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.