Պորտուգալիա - Ուելս դիմակայությունը միայն Ռոնալդուի եւ Բեյլի միջեւ չէ, ասել է Պորտուգալիայի հավաքականի գլխավոր մարզիչ Ֆերնանդու Սանտուշը Ուելսի հավաքականի դեմ Եվրո-2016-ի կիսաեզրափակիչի խաղից առաջ:
«Կա անցյալ, որը նշանակություն ունի յուրաքանչյուրի համար, բայց մենք ցանկանում ենք գրել մեր պատմությունը: Դրա ճանապարհին վաղը սպասվում է պայքար շատ ուժեղ մրցակցի հետ: Բարդ կլինի, բայց մեր կարգը բարձր է եւ թույլ կտա լուծել այդ խնդիրը: Ուելսն ունի տեխնիկապես հզոր թիմ, որը ֆուտբոլի բրիտանական դպրոցի գերազանց օրինակ է:
Ուելսը հրաշալի է խաղում այս մրցաշարում: Նրանք դուրս են եկել ամենաբարդ խմբերից մեկից, քառորդ եզրափակիչում հաղթեցին Բելգիային՝ 3:1: Կարծում եմ՝ Քրիս Քոուլմանն իր խաղացողներին չի ասում, որ ֆավորիտը Պորտուգալիան է»,- Սանտուշի խոսքը մեջբերում է ՈւԵՖԱ-ի կայքը:
Ուելսի հավաքականը B խմբում հետ էր թողել Անգլիայի, Սլովակիայի եւ Ռուսաստանի հավաքականներին: 1/8 եզրափակիչում 1:0 հաշվով հաղթել էր Հյուսիսային Իռլանդիային:
Պորտուգալիա - Ուելս հանդիպումը հուլիսի 6-ին է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։