Բեյլ. Կրոսն ասում էր, որ Եվրո-2016-ում անցկացնելու ենք 3 խաղ
15:12 5 հուլիսի, 2016Ուելսի հավաքականի առաջատար Գարեթ Բեյլը պատմել է, որ Մադրիդի «Ռեալում» իր գերմանացի ակումբակից Տոնի Կրոսը չի հավատացել ուելսցիների հաջող խաղին Ֆրանսիայում ընթացող Եվրոպայի առաջնությունում:
«Հիշում եմ, թե ինչպես էր Կրոսն ասում, որ Եվրո-2016-ում մենք ունենալու ենք միայն 3 խաղ: Այդ պատճառով վատ չէր լինի նրան հանդիպել եզրափակիչում:
Երբ մենք 100-րդն էինք ՖԻՖԱ-ի վարկանիշային աղյուսակում եւ հաճախ պարտվում էինք, մեզ ասում էին, որ 2 շաբաթվա փոխարեն կարող են հանգստանալ 9 շաբաթ: Հիմա մեծ պատիվ է մասնակցել այսպիսի մրցաշարի եւ լինել հավաքականի մի մասնիկը:
Մենք գերազանցեցինք երկրպագուների սպասելիքները: Մենք շարունակում ենք հավատալ ավելիին: Բոլորը հիշում են Դանիայի ու Հունաստանի հաջողությունները: Իսկ ինչո՞ւ մենք չենք կարող դառնալ չեմպիոն: Որակավորման փուլում մենք աճել ենք որպես թիմ, իսկ Եվրոպայի առաջնությունում ավելի ուժեղացանք»,- «Ռեալի» կիսապաշտպանի խոսքը մեջբերում Sky Sports-ը:
Հիշեցնենք, որ Պորտուգալիա - Ուելս խաղը կկայանա հուլիսի 6-ին եւ կսկսվի Երեւանի ժամանակով 23:00-ին: Եզրափակիչի մյուս ուղեգիրը Գերմանիայի ու Ֆրանսիայի հավաքականները կվիճարկեն հուլիսի 7-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։