Մարադոնա. Եթե Իսլանդիան արագ գոլ բաց չթողնի, կարող է օգտագործել իր շանսը
20:09 3 հուլիսի, 2016Արգենտինայի հավաքականի նախկին ֆուտբոլիստ եւ մարզիչ Դիեգո Մարադոնան Եվրո-2016-ի քառորդ եզրափակիչի վերջին խաղում ակնկալում է հետաքրքիր դիմակայություն Ֆրանսիայի եւ Իսլանդիայի հավաքականների միջեւ:
«Ֆրանսիան շատ ավելի բարդ մրցակից կլինի Իսլանդիայի համար: Ֆրանսիան կխաղա հայրենիքում: Մենք տեսել ենք, թե թիմերը ինչպես չեն կարողանում դիմանալ երկրպագուների ճնշմանը: Այդպես եղավ Բրազիլիայի հետ 2014-ին: Բայց Ֆրանսիան կարողանում է օգտագործել այդ աջակցությունը:
Սպասվում է, որ Իսլանդիան կխաղա սեփական կիսադաշտում՝ ամբողջ թիմով պաշտպանվելով: Դա հանցագործություն չէ: Եթե Իսլանդիան արագ գոլ բաց չթողնի, դա կնյարդայնացնի Ֆրանսիային, եւ մենք ականատես կլինենք հետաքրքիր հանդիպման: Ֆրանսիացիների պաշտպանությունն այդքան էլ հուսալի չէ: Եզրերում խաղում են արդեն ոչ երիտասարդ Սանյան ու Էվրան, կենտրոնում բացակայում է վնասվածք ունեցող Վարանը: Իսլանդիան կարող օգտագործել ազատ գոտիները մրցակցի տիկունքում»,- գրել է Մարադոնան Times of India-ում:
Հուլիսի 3-ին կայանալիք Ֆրանսիա - Իսլանդիա հանդիպումը կմեկնարկի Երեւանի ժամանակով 23:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.