Եվրո-2016. Գերմանիա - Իտալիա խաղի լավագույն ֆուտբոլիստը (ֆոտո)
02:06 3 հուլիսի, 2016Գերմանիայի եւ Իտալիայի հավաքականների միջեւ Եվրո-2016-ի 1/4 եզրափակիչի խաղի լավագույն ֆուտբոլիստ ճանաչվեց գերմանացի դարպասապահ Մանուել Նոյերը, հայտնում է ՈւԵՖԱ-ի կայքը:
Բորդոյում կայացած խաղում Մյունխենի «Բավարիայի» դարպասապահը հետխաղյա 11 մետրանոց հարվածաշարում հաղթանակ բերեց Գերմանիայի հավաքականին:
Հիշեցնենք, որ խաղի հիմնական ու լրացուցիչ ժամանակն ավարտվեց 1:1 հաշվով, իսկ 11 մետրանոցներով աշխարհի գործող չեմպիոնը հաղթեց 6:5 հաշվով: Հարվածաշարն անցավ շատ լարված ու դրամատիկ պայքարում, եւ թիմերը հաղթողին որոշեցին միայն 9-րդ հարվածի ժամանակ:
Եվրո-2016-ի եզրափակիչի ուղեգրի համար գերմանացիները պայքարելու են Ֆրանսիա - Իսլանդիա զույգի հաղթողի հետ: Կիսաեզրափակիչի առաջին զույգը կազմել են Պորտուգալիայի եւ Ուելսի հավաքականները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.