ՈւԵՖԱ-ն կողմ է Եվրոպայի եւ Ամերիկայի չեմպիոնների հանդիպմանը
18:05 30 հունիսի, 2016ՈւԵՖԱ-ն հավանություն է տվել Ամերիկայի գավաթի հաղթողի ու Եվրոպայի չեմպիոնի մասնակցությամբ հանդիպման անցկացմանը: Այդ մասին Թվիթերում հայտնել է Ֆուտբոլի հարավամերիկյան կոնֆեդերացիայի նախագահ Ալեխանդրո Դոմինգեսը: Ոչ պաշտոնական տվյալներով, այդպիսի հանդիպում կարող է տեղի ունենալ Հարավային Ամերիկայում:
«Մենք դրական պատասխան ենք ստացել այդ հանդիպման անցկացման վերաբերյալ: Այժմ քննարկում ենք խաղի հնարավոր օրը»,- գրել է Դոմինգեսը:
Հունիսի 27-ին Նյու Ջերսիում տեղի ունեցած Ամերիկայի Գավաթի եզրափակիչում Չիլիի հավաքականը հետխաղյա 11 մետրանոցներով պարտության էր մատնել Արգենտինայի հավաքականին: Եվրո-2016-ի հաղթողը հայտնի կդառնա հուլիսի 10-ին: Քառորդ եզրափակիչում կհանդիպեն Լեհաստանն ու Պորտուգալիան, Ուելսն ու Բելգիան, Գերմանիան ու Իտալիան եւ Ֆրանսիան ու Իսլանդիան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.