«Բորուսիայի» տնօրեն. «Մանչեսթեր Յունայթեդը» զգալիորեն բարձրացրել է Մխիթարյանի տրանսֆերի գումարը
19:12 28 հունիսի, 2016Դորտմունդի «Բորուսիայի» գործադիր տնօրեն Հանս-Յոահիմ Վատցկեն հայտնել է, որ անգլիական «Մանչեսթեր Յունայթեդը» Հայաստանի հավաքականի կիսապաշտպան Հենրիխ Մխիթարյանի տրանսֆերը գնելու բանակցություններում զգալիորեն բարձրացրել է առաջարկի գումարը եւ գործարքը մոտ է հանգուցալուծման:
«Այժմ իրավիճակը փոխվել է: «Մանչեսթեր Յունայթեդի» վերջին առաջարկի վերաբերյալ անհրաժեշտ է քննարկել բոլոր գործոնները եւ վերջապես որոշում ընդունել: Նրանք զգալիորեն բարձրացրել են գումարի չափը: «Բորուսիայի» ղեկավարությունը որոշում կընդունի մինչեւ կիրակի, քանի որ երկուշաբթի մենք վերսկսում ենք մարզումները: Հանգստյան օրերինք պետք է ամեն ինչ որոշել»,- Վատցկեի խոսքը մեջբերում է The Guardian-ը:
Սպասվում է, որ «Մանչեսթեր Յունայթեդը» 27-ամյա հայ ֆուտբոլիստի համար կվճարի 40 միլիոն եվրո, իսկ նրա տարեկան աշխատավարձը անգլիական ակումբում կլինի 12 միլիոն եվրո:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.