Արթուր Սարկիսովը տեղափոխվել է «Մորդովիա»

13:37   28 հունիսի, 2016

Նիժնի Նովգորոդի «Վոլգայի» եւ Հայաստանի հավաքականի հարձակվող Արթուր Սարկիսովը տեղափոխվել է Սարանսկի «Մորդովիա», գրում է Sportbox.ru-ն:

29-ամյա ֆուտբոլիստը ռուսական ակումբի հետ կնքել է 2 տարվա պայմանագիր: Սարկիսովը 2014-ից էր խաղում «Վոլգայում», իսկ վերջին շրջանում փորձաշրջան էր անցնում Պերմի «Ամկարում»:

Ավելի վաղ «Մորդովիայի» կազմը համալրել էին Արմավիրի «Տորպեդոյի» կիսապաշտպան Արմեն Համբարձումյանը ու Յարոսլավլի «Շիննիկի» հարձակվող Արթուր Մալոյանը:

Հիշեցնենք, որ այս մրցաշրջանում «Մորդովիան» դուրս էր մնացել Ռուսաստանի Պրեմյեր լիգայից:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։