Իսլանդացի մեկնաբան Գուդմունդուր Բենեդիկտսոնը դարձյալ չափազանց էմոցիոնալ է արձագանքել Իսլանդիայի հավաքականի գոլին անգլիացիների դեմ Եվրոպայի առաջնության 1/8 եզրափակիչի խաղում: Ֆրանսիական «Նանտի» հարձակվող Կոլբեյն Սիգթորսոնի հաղթական գոլից հետո մեկնաբանի ձայնը կտրվել է:
Իսլանդացի մեկնաբանը մեծ հուզականություն էր դրսեւորել նաեւ իսլանդացիների խփած երկրորդ գոլին Ավստրիայի հավաքականի դեմ Եվրո-2016-ի խմբային փուլի երրորդ տուրի խաղում եւ դարձել հայտնի:
Հիշեցնենք, որ առաջին անգամ Եվրոպայի առաջնությանը մասնակցող Իսլանդիան սենսացիոն հաղթանակ տարավ 2:1 հաշվով եւ դարձավ քառորդ եզրափակիչի վերջին մասնակիցը եւ կիսաեզրափակիչի ուղեգրի համար կպայքարի Ֆրանսիայի հավաքականի հետ: Այդ խաղից հետո Անգլիայի հավաքականի գլխավոր մարզիչ Ռոյ Հոջսոնը հրաժարական էր տվել: Եվրո-2016-ի քառորդ եզրափակիչի մյուս զույգերն են՝ Գերմանիա - Իտալիա, Ուելս - Բելգիա եւ Լեհաստան - Պորտուգալիա: Քառորդ եզրափակիչը կմեկնարկի հունիսի 30-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։