Եվրո-2016. Իսլանդիայի մարզիչ. Այժմ ծովը մեր ծնկներից է
13:11 28 հունիսի, 2016Ֆուտբոլի Իսլանդիայի հավաքականի շվեդ գլխավոր մարզիչ Լարս Լագերբեկը Ֆրանսիայում ընթացող Եվրոպայի առաջնության 1/8 եզրափակիչում անգլիացիների նկատմամբ 2:1 հաշվով սենսացիոն հաղթանակից հետո կիսվել է տպավորություններով:
«Ես երջանիկ եմ: Հրաշալի ելույթ էր: Եթե մի քանի տարի առաջ ինչ-որ մեկն ինձ ասեր, որ դուրս ենք գալու Եվրոպայի առաջնության քառորդ եզրափակիչ, ես չէի հավատա: Այժմ ծովն Իսլանդիայի հավաքականի ծնկներից է:
Կցանկանայի շնորհակալություն հայտնել Ռոյ Հոջսոնին: Այժմ հեշտ չէ նրա համար, բայց ժամանակին նա շատ բան է արել շվեդական ֆուտբոլի համար: Նա հիանալի մարզիչ է եւ պետք չէ նեղացնել նրան»,- Լարս Լագերբեկի խոսքը մեջբերում է Daily Mail-ը:
Հիշեցնենք, որ առաջին անգամ Եվրոպայի առաջնությանը մասնակցող Իսլանդիան դարձավ քառորդ եզրափակիչի վերջին մասնակիցը եւ կիսաեզրափակիչի ուղեգրի համար կպայքարի Ֆրանսիայի հավաքականի հետ: Այդ խաղից հետո Անգլիայի հավաքականի գլխավոր մարզիչ Ռոյ Հոջսոնը հրաժարական էր տվել: Եվրո-2016-ի քառորդ եզրափակիչի մյուս զույգերն են՝ Գերմանիա - Իտալիա, Ուելս - Բելգիա եւ Լեհաստան - Պորտուգալիա: Քառորդ եզրափակիչը կմեկնարկի հունիսի 30-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.