Եվրո-2016. Գերմանիան շանս չտվեց սլովակներին եւ կսպասի Իտալիա - Իսպանիա զույգի հաղթողին (ֆոտո)

21:50   26 հունիսի, 2016

Եվրո-2016-ի 1/8 եզրափակիչում Գերմանիայի հավաքականը առանց որեւէ դժվարության առավելության հասավ Սլովակիայի հավաքականի նկատմամբ՝ 3:0: Առաջին խաղակեսւմ Յոահիմ Լյովի գլխավորած թիմն առաջ անցավ Ժերոմ Բոատենգի ու Մարիո Գոմեսի գեղեցիկ գոլերի շնորհիվ: Բոատենգը գոլը խփեց 8-րդ րոպեին, ինչը Եվրոպայի առաջնությունների պատմության մեջ գերմանացիների խփած ամենաարագ գոլն է:

Արդեն առաջին խաղակեսում հաշիվը կարող էր դառնալ 3:0, սակայն 11 մետրանոցն անհաջող իրացրեց Մեսութ Օզիլը: Դարպասապահ Կոզաչիկը հետ մղեց գնդակը: Օզիլը դարձավ առաջին գերմանացի խաղացողը, որը չի կարողանում արդյունավետ իրացնել 11 մետրանոցը Եվրոպայի առաջնություններում:

Ընդմիջումից հետո աշխարհի չեմպիոնները մեկ անգամ էլ գրավեցին մրցակցի դարպասը: Աչքի ընկավ Յուլիան Դրաքսլերը:

Գերմանիայի հավաքականը հաջորդ խաղում կմրցի Իտալիա - Իսպանիա զույգի հաղթողի հետ:

Եվրո-2016. 1/8 եզրափակիչ

Գերմանիա - Սլովակիա՝ 3:0 

Ժերոմ Բոատենգ, 8, Մարիո Գոմես, 43, Յուլիան Դրաքսլեր, 63

Չիրացրած 11մ՝ Մեսութ Օզիլ (Գերմանիա), 13 

Գերմանիա. Մանուել Նոյեր, Ջոշուա Կիմիխ, Ժերոմ Բոատենգ (Բենեդիկտ Հյովեդես, 72), Մատս Հումելս, Յոնաս Հեկտոր, Սամի Խեդիրա (Բաստիան Շվայնշտայգեր, 76), Տոնի Կրոս, Մեսութ Օզիլ,  Յուլիան Դրաքսլեր (Լուկաշ Պոդոլսկի, 72), Թոմաս Մյուլեր, Մարիո Գոմես:

Սլովակիա. Մատուշ Կոզաչիկ, Պետեր Պեկարիկ, Մարտին Շկրտել, Յան Դյուրիցա, Մարեկ Համշիկ, Յուրայ Կուցկա, Վլադիմիր Վայս (Յան Գրեգուշ, 46), Պատրիկ Հրոշովսկի, Միլան Սկրինիար, Նորբերտ Գյոմբեր (Կորնել Սալատա, 84), Միխալ Դյուրիշ (Ստանիսլավ Շեստակ, 64):



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.