Շվեյցարիայում հավաք անցկացնող Դոնեցկի «Շախտյորը» հուլիսի 1-ին ստուգողական խաղում 4:2 հաշվով առավելության է հասել Արաբական Միացյալ Էմիրությունների օլիմպիական հավաքականի նկատմամբ:
Հանդիպման հաշիվը 10-րդ րոպեին բացել է Հայաստանի ազգային հավաքականի կիսապաշտպան Հենրիխ Մխիթարյանը, ով «Շախտյորի» մեկնարկային կազմում է եղել եւ փոխարինվել է 52-րդ րոպեին: Հանդիպման 36-րդ րոպեին Մխիթարյանի կատարած փոխանցումից հետո ուկրաինացի պաշտպան Ալեքսեյ Կուրիլովը խփել է «Շախտյորի» երկրորդ գնդակը: Ուկրաինական ակումբի կազմում աչքի են ընկել նաեւ Մաքսիմ Ժիչկովն ու Դուգլաս Կոստան, ով 52-րդ րոպեին չի կարողացել անվրեպ իրացնել 11 մետրանոց հարվածը:
Հուլիսի 3-ին «Շախտյորը» ստուգողական հանդիպում կանցկացնի շվեյցարական «Թունի» հետ, իսկ հուլիսի 4-ին Միրչա Լուչեսկուի թիմի մրցակիցը կլինի Շվեյցարիայի բրոնզե մեդալակիր «Յանգ Բոյզը»:
Ստուգողական հանդիպում, Շվեյցարիա
ԱՄԷ (օլիմպիական հավաքական) – «Շախտյոր»՝ 2:4
Հալիլ, 34, 58 – Մխիթարյան, 10, Կուրիլով, 36, Կոստա, 42, Ժիչիկով, 44
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։