Եվրո-2016. 1/8 եզրափակիչի երկրորդ խաղային օրվա մրցավարները

ՈւԵՖԱ-ն ներկայացրել է Ֆրանսիայում շարունակվող ֆուտբոլի Եվրոպայի առաջնությունում 1/8 եզրափակիչի երկրորդ խաղային օրը՝ հունիսի 26-ին, կայանալիք հանդիպումների մրցավարներին:

Լիոնում կայանալիք Ֆրանսիա - Իռլանդիա խաղում կաշխատի իտալացի Նիկոլա Ռիցոլին, իսկ Լիլում անցկացվելիք Գերմանիա - Սլովակիա հանդիպման գլխավոր մրցավար է նշանակվել լեհ Շիմոն Մարչինյակը:

Հունգարիա - Բելգիա Թուլուզում տեղի ունենալիք խաղի գլխավոր մրցավարը սերբ Միլորադ Մաժիչն է, հայտնում է ՈւԵՖԱ-ի կայքը:

Հիշեցնենք, որ Եվրո-2016-ի 1/8 եզրափակիչը մեկնարկում է հունիսի 25-ին, եւ առաջին օրը կկայանա 3 խաղ:

Եվրո-2016, 1/8 եզրափակիչ

Հունիսի 25

1. Շվեյցարիա – Լեհաստան՝ 17:00-ին (Երեւանի ժամանակով), Սենտ Էթյեն

2. Ուելս – Հյուսիսային Իռլանդիա՝ 20:00, Փարիզ («Պարկ դե Պրենս»)

3. Խորվաթիա – Պորտուգալիա՝ 23:00, Լանս

Հունիսի 26

4. Ֆրանսիա – Իռլանդիա, 17:00, Լիոն

5. Գերմանիա – Սլովակիա՝ 20:00, Լիլ

6. Հունգարիա – Բելգիա, 23:00, Թուլուզ

Հունիսի 27

7. Իտալիա – Իսպանիա, 20:00, Փարիզ («Ստադ դե Ֆրանս»)

8. Անգլիա – Իսլանդիա՝ 23:00, Նիցա