Եվրո-2016. Ամենաքննարկվող ֆուտբոլիստներն ու թիմերը

Թվիթերը ներկայացրել է Եվրո-2016-ին մասնակցող ամենաքննարկվող թիմերին եւ ֆուտբոլիստներին՝ վերլուծելով Եվրոպայի առաջնության օրերին արված հաղորդագրությունների եւ մեկնաբանությունների վիճակագրությունը: Եվրո-2016-ի վերբարելյալ Թվիթերում արվել է 44 միլիոն թվիթ: Հանդիպումների ժամանակ թվիթների թիվը հասել է 29 միլիոնի:

Խմբային փուլի ժամանակ ամենաքննարկվողը եղել է Ֆրանսիա – Ռումինիա հանդիպումը՝ 2.3 միլիոն թվիթ: Ամենաքննարկվող թիմերն են Անգլիան, Թուրքիան, Ֆրանսիան, Պորտուգալիան եւ Իտալիան: Ամենաքննարկվող ֆուտբոլիստներն են ֆրանսիացի Դիմիտրի Պայետը, պորտուգալացի Կրիշտիանու Ռոնալդուն, ուելսցի Գարեթ Բեյլը, շվեդ Զլատան Իբրահիմովիչը եւ ֆրանսիացի Պոլ Պոգբան: