Ֆուտբոլի Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանի գործակալ Մինո Ռայոլայի եւ գերմանական ակումբի ղեկավարության բանակցություններն ընթանում են լարված իրավիճակում: «Բորուսիան» չի ցանկանում վաճառել հայ խաղացողին անգլիական «Մանչեսթեր Յունայթեդին»: Գերմանական Bild-ը գրում է, որ բանակցություններն այնքան լարված են եղել, որ Ռայոլան նույնիսկ աթոռն է մի կողմ նետել:
«Հենրիխը կոնֆլիկտներ ստեղծող մարդ չէ: Բոլոր գործերով ես եմ զբաղվում: Մենք մտադիր չենք հանձնվել»,- մեկնաբանել է միջադեպը իտալացի գործակալը:
27-ամյա Մխիթարյանի համար «Մանչեսթեր Յունայթեդն» առաջարկում է 36.5 միլոին եվրո: Transfermarkt.de-ն նրա տրանսֆերային արժեքը գնահատվում է 30 միլիոն եվրո: «Բորուսիան» պահանջում է 40 միլիոն:
Մխիթարյանի տրանսֆերը չհաջողացնելու դեպքում, «Մանչեսթեր Յունայթեդը» կփորձի գնել Լոնդոնի «Արսենալի» եւ Ուելսի հավաքականի կիսապաշտպան Աարոն Ռեմզիին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։