Ի՞նչ է հուշել Սռնան Խորվաթիայի դարպասապահին Ռամոսի անհաջող իրացրած 11 մետրանոցից առաջ
14:17 22 հունիսի, 2016Ֆուտբոլի Խորվաթիայի հավաքականի դարպասապահ Դանիել Սուբաշիչը չի թաքցրել, որ Իսպանիայի հավաքականի ավագ Սերխիո Ռամոսի անհաջող իրացրած 11 մետրանոցից առաջ խորվաթների ավագ Դարիո Սռնան իրեն փոխանցել է Արքայական ակումբի եւ Խորվաթիայի հավաքականի կիսապաշտպան Լուկա Մոդրիչի հուշումը։
«Լուկան բղավեց Դարիոյին, որ Ռամոսը պատրաստվում է հարվածել աջ անկյունը։ Այդ մասին մեր ավագը հայտնեց ինձ։ Ամեն դեպքում, 11 մետրանոցը վիճակախաղ է, եւ մենք շահող տոմս քաշեցինք»,- Սուբաշիչի խոսքը մեջբերում է Marca-ն։
Հանդիպումից հետո Սերխիո Ռամոսը եւս ասել էր, որ Լուկա Մոդրիչն է հուշել դարպասապահին։ Հիշեցնենք, որ Ռամոսը 72-րդ րոպեին 11 մետրանոցից վրիպել էր 1:1 հաշվի ժամանակ, իսկ վերջնամասում խորվաթները կամային հաղթանակ էին տարել եւ 7 միավորով գրավել D խմբի առաջին տեղը: Եվրոպայի գործող չեմպիոն Իսպանիան 6 միավորով գրավեց երկրորդ տեղը եւ 1/8 եզրափակիչում կհանդիպի Իտալիային:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.