Եվրո-2016. 12 հավաքականներ ապահովել են փլեյ-օֆֆի ուղեգիր
01:40 22 հունիսի, 2016Ֆրանսիայում ընթացող ֆուտբոլի Եվրոպայի առաջնության խմբային փուլի վերջին օրվանից առաջ 12 հավաքականներ ապահովել են 1/8 եզրափակիչի ուղեգիր:
A, B, C եւ D խմբերից առաջին ու երկրորդ տեղերով փլեյ-օֆֆ են դուրս եկել Ֆրանսիան, Շվեյցարիան, Ուելսը, Անգլիան, Գերմանիան, Լեհաստանը, Խորվաթիան ու Եվրոպայի գործող չեմպիոն Իսպանիան: Իտալիան ժամանակից շուտ ապահովել է E խմբի առաջին տեղը, իսկ Սլովակիան ու Հյուսիսային Իռլանդիան փլեյ-օֆֆ են դուրս եկել երրորդ տեղերով: Սլովակիան ունի 4 միավոր, իսկ Հյուսիսային Իռլանդիան A ու D խմբերում երրորդ տեղ գրաված Ալբանիայի եւ Թուրքիայի պես հավաքել է 3 միավոր, սակայն բրիտանական թիմն ուղեգիր է ապահովել խփած եւ բաց թողած գոլերի տարբերության շնորհիվ: F խմբի առաջատար Հունգարիան եւս ունի 4 միավոր եւ, անկախ վերջին տուրի արդյունքից, կխաղա փլեյ-օֆֆում:
Հիշեցնենք, որ Եվրո-2016-ի 6 խմբերից փլեյ-օֆֆի ուղեգիր են նվաճում առաջին ու երկրորդ տեղեր գրաված հավաքականներն ու երրորդ տեղում հայտնված լավագույն արդյունքով 4 թիմեր: Պատմության մեջ առաջին անգամ Եվրոպայի առաջնությանը մասնակցում են 24 հավաքականներ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.