Դել Բոսկե. Խորվաթիայի թիմը լավագույններից մեկն է Եվրո-2016-ում
14:44 21 հունիսի, 2016Եվրո-2016-ի խմբային փուլի վերջին տուրից առաջ Իսպանիայի հավաքականի գլխավոր մարզիչ Վիսենտե Դել Բոսկեն հիացմունքով է արտահայտվել առաջիկա մրցակից Խորվաթիայի հավաքականի մասին:
«Մոդրիչը Խորվաթիայի լավագույն խաղացողներից մեկն է, նա գերազանց մրցաշրջան անցկացրեց «Ռեալում»: Խորվաթներն ունեն շատ կազմակերպված թիմ, որը լավագույններից մեկն է այս մրցաշարում: Մենք կփորձենք հաղթել նրանց եւ կընտրենք այս պահին լավագույն 11 խաղացողների: Վստահ չեմ, որ այս փուլում խաղացողներին հանգիստ տալը լավ միտք է: Նրանք որսացել են իրենց ռիթմը եւ որեւէ բան փոխելն անարդյունավետ է: Ինյեստան անցկացնում է հրաշալի մրցաշար, նա գերազանց մարզավիճակում է»,- Վիսենտե Դել Բոսկեի խոսքը մեջբերում է ՈւԵՖԱ-ի կայքը:
Հունիսի 21-ին կայանալիք Խորվաթիա - Իսպանիա հանդիպումը կմեկնարկի Երեւանի ժամանակով 23:00-ին: Իսպանիան երկու հաղթանակից հետո ապահովել է տեղը 1/8 եզրափակիչում: Խորվաթներն ունեն 4 միավոր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.