Լեոնիդ Սլուցկի. Ռուսաստանի հավաքականին այլ մարզիչ է հարկավոր
10:10 21 հունիսի, 2016Ֆուտբոլի Ռուսաստանի ազգային հավաքականի գլխավոր մարզիչ Լեոնիդ Սլուցկին Ֆրանսիայում ընթացող Եվրո-2016-ի խմբային փուլից դուրս մնալուց հետո կիսվել է տպավորություններով:
«Սրանից հետո անհրաժեշտ է, որպեսզի այլ մարդ թիմին նախապատրաստի երկրի ֆուտբոլի զարգացման համար ճակատագրական մեկնարկների համար: Փորձեցի ցուցադրել իմ առավելագույնը, սակայն, ցավոք, իմ մակարդակը բավական չէր:
Այն մարդիկ, ովքեր մեզ երկրպագում էին տրիբունանեում ու հեռուստաէկրանների առջեւ, արժանի չէին այսպիսի խաղի: Պատրաստ եմ պատասխանատվությունն ինձ վրա վերցնել: Մենք ունեինք բավականաչափ ժամանակ, որպեսզի խաղացնեինք կազմը: Ամեն դեպքում, ոչնչի համար չեմ զղջում: Սա հրաշալի փորձ էր ինձ համար»,- մարզիչի խոսքը մեջբերում է «Чемпионат»-ը:
Ռուսաստանի սպորտի նախարար ու Ֆուտբոլային միության նախագահ Վիտալի Մուտկոն եւս մեկնաբանել է Սլուցկիի հայտարարությունը:
«Ես դեմ չեմ, որ Սլուցկին մնա: Սակայն նա իր դիրքորոշումն արդեն հայտնել է: Կվերադառնանք Մոսկվա, կքննարկենք»,- ասել է Մուտկոն:
Հիշեցնենք, որ B խմբում ընդգրկված ռուսները խմբային փուլն ավարտեցին մեկ միավորով: Ուելսը վաստակեց 6 միավոր, Անգլիան՝ 5, Սլովակիան՝ 4: Երրորդ տեղը գրաված Սլովակիան եւս հավակնում է փլեյ-օֆֆ դուրս գալ երրորդ տեղով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.