Ֆուտբոլի Եվրոպայի առաջնությունում տարած հաղթանակի համար Ալբանիայի հավաքականի ֆուտբոլիստները կստանան դիվանագիտական անձնագրեր: Այդ մասին հայտնել է Ալբանիայի ֆուտբոլի ֆեդերացիայի նախագահ Արմանդ Դուկան: Այդ անձնագրերը հնարավորություն կտան մի շարք երկրներ մտնել առանց վիզայի կամ դյուրացված կարգով:
«Խաղացողները դեսպաններ են առանց անձնագրի, բայց վարչապետը նրանց կհանձնի դիվանագիտական անձնագրեր»,- Դուկայի խոսքը մեջբերում է ESPN-ը:
Հիշեցնենք, որ Եվրո-2016-ի խմբային փուլի երրորդ տուրում Ալբանիան Արմանդո Սադիկուի գոլի շնորհիվ նվազագույն հաշվով հաղթել է Ռումինիայի թիմին եւ 3 միավորով գրավել երրորդ տեղը A խմբում: Ալբանացիները պահպանում են փլեյ-օֆֆ դուրս գալու շանսեր:
Ալբանիայի հավաքականն առաջին անգամ է մասնակցում Եվրոպայի առաջնության: Առաջին երկու հանդիպումներում թիմը պարտություն էր կրել:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։