Եվրո-2016. Պորտուգալիա - Ավստրիա. Ռոնալդուն գերազանցեց Ֆիգուի ռեկորդը
23:46 18 հունիսի, 2016Մադրիդի «Ռեալի» հարձակվող Կրիշտիանու Ռոնալդուն դարձավ Պորտուգալիայի հավաքականում ամենաշատ խաղ անցկացրած ֆուտբոլիստը: Ավստրիացիների դեմ Եվրո-2016-ի երկրորդ տուրի խաղում 31-ամյա Ռոնալդուն 128-րդ հանդիպումն է անցկացնում ազգային թիմում: Փարիզի «Պարկ դե Պրենս» ստադիոնում ընթացող խաղի առաջին խաղակեսն ավարտվել է 0:0 հաշվով: Ընդմիջում է:
Ռոնալդուն Պորտուգալիայի հավաքականում նորամուտը նշել է 2003-ին եւ մինչեւ օրս խփել 58 գոլ: Նա գերազանցեց Լուիշ Ֆիգուի ռեկորդը: «Ռեալի» ու «Բարսելոնայի» նախկին կիսապաշտպանը Պորտուգալիայի հավաքականում անցկացրել է 127 խաղ: Ֆիգուն «Պարկ դե Պրենսի» տրիբունայից հետեւում է Պորտուգալիա - Ասվտրիա խաղին: Նա ազգային թիմում հանդես է եկել 1991-2006-ը եւ դարձել 32 գոլի հեղինակ:
Եվրո-2016, երկրորդ տուր
F խումբ
Պորտուգալիա - Ավստրիա՝ 0:0 (առաջին խաղակես)
Պորտուգալիա. Ռուի Պատրիսիու, Վիեյրինյա, Պեպե, Ռիկարդու Կարվալյու, Ռաֆայել Գերերո, Ժոաո Մոուտինյո, Վիլիամ Կարվալյու, Անդրե Գոմեշ, Լուիշ Նանի, Ռիկարդու Կուարեժմա, Կրիշտիանու Ռոնալդու:
Ավստրիա. Ռոբերտ Ալմեր, Մարտին Հինտերեգեր, Սեբաստիան Պրյոդլ, Կրիստիան Ֆուքս, Ֆլորիան Կլայն, Շտեֆան Իլզանկեր, Յուլիան Բաումգարտլինգներ, Մարտին Հարնիկ, Դավիդ Ալաբա, Մարկո Արնաուտովիչ, Մարսել Զաբիտցեր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.