«Բորուսիայի» ղեկավար. 4 ամիս բանակցեցինք Հենրիխ Մխիթարյանի հետ, բայց ապարդյուն
09:30 15 հունիսի, 2016Ֆուտբոլի Հայաստանի հավաքականի կիսապաշտպան Հենրիխ Մխիթարյանն ու Դորտմունդի «Բորուսիան» չեն կարողացել փոխհամաձայնության գալ գործող պայմանագիրը երկարաձգելու հարցում: Այդ մասին հայտնել է գերմանական ակումբի գլխավոր տնօրեն Հանս-Յոահիմ Վացկեն:
«4 ամսվա ընթացքում մենք Մխիթարյանի հետ բանակցում էինք գործող պայմանագիրը երկարաձգելու հարցով: Հիմա պարզ դարձավ, որ նոր պայմանագիր չի լինելու: Մենք երբեք չենք ունեցել պայմանավորվածություն, որը Հենրիխը կարող է հեռանալ թիմից մինչեւ համաձայնագրի ավարտը»,- Վացկեի խոսքը մեջբերում է Bild-ը:
Հիշեցնենք, որ «Բորուսիայի» հետ 27-ամյա Մխիթարյանի գործող պայմանագիրն ավարտվում է 2017-ի ամռանը: Հայ կիսապաշտպանի ծառայություններով հետաքրքրված են անգլիական «Արսենալը», «Չելսին», «Տոտենհեմը», «Մանչեսթեր Յունայթեդը» եւ Թուրինի «Յուվենտուսը»: Գերմանիայի ավարտված առաջնությունում Հենրիխը մասնակցել է 31 խաղի եւ դարձել 11 գոլի ու 18 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։