Վարազդատ Հարոյանը՝ «Փադիդեի» խաղացող (ֆոտո)
16:43 13 հունիսի, 2016Ֆուտբոլի Իրանի առաջնության ուժեղագույնների խմբում հանդես եկող Մեշհեդի «Փադիդեն» ներկայացրել է Հայաստանի ազգային հավաքականի պաշտպան Վարազդատ Հարոյանին։ Երեւանի «Փյունիկից» Իրան տեղափոխված ֆուտբոլիստը կնքել է մեկ տարվա պայմանագիր։ Հարոյանն արդեն մարզում է անցկացրել նոր թիմի կազմում։
Հիշեցնենք, որ հունիսի 7-ին ձախողվել էր 24-ամյա ֆուտբոլիստի տրանսֆերը Թավրիզի «Տրակտոր Սազի» ակումբ: Ադրբեջանաբնակ Թավրիզի ֆուտբոլասերները դեմ էին հանդես եկել հայ խաղացողի ներկայությանը եւ ակումբը գործարքը չեղյալ էր համարել:
Այժմ Հարոյանը պայմանագիր է կնքել Խորասան Ռեզավի նահանգը ներկայացնող ակումբի հետ: Թուրքմենստանին սահմանակից նահանգում ադրբեջանական բնակչություն չկա: Ազգային փոքրամասնություններից ներկայացված են թուրքմեններն ու քրդերը: Իրանի ավարտված առաջնությունում «Փադիդեն» գրավել է 10-րդ տեղը:
Հիշեցնենք, որ Իրանում է հանդես գալիս նաեւ Հայաստանի հավաքականի պաշտպան Հրայր Մկոյանը: Նա ներկայացնում է Թեհրանի «Էստեղլալը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։