Ամերիկայի Գավաթ. Բրազիլիայի հավաքականը պարտվեց եւ լքեց պայքարը
09:01 13 հունիսի, 2016Բրազիլիայի հավաքականը չկարողացավ հաղթահարել ԱՄՆ-ում ընթացող ֆուտբոլի Ամերիկայի գավաթի խաղարկության խմբային փուլի արգելքը: Երրորդ տուրում բրազիլացիները նվազագույն հաշվով պարտվեցին Պերուի հավաքականին եւ 4 միավորով B խմբում գրավեցին երրորդ տեղը: Ընդ որում՝ Կարլոս Դունգայի թիմին փլեյ-օֆֆի ուղեգիր կպարգեւեր նաեւ ոչ ոքին:
Խմբի մյուս խաղում Էկվադորի հավաքականը 4 անպատասխան գնդակ ուղարկեց Հաիթիի դարպասը եւ, վաստակելով 5 միավոր, երկրորդ տեղով նվաճեց փլեյ-օֆֆի ուղեգիր: Պերուացիները խմբում հաղթեցին 7 միավորով, իսկ Հաիթին կրեց 3 պարտություն:
Նախորդ անգամ Բրազիլիայի հավաքականը Ամերիկայի Գավաթի խմբային փուլից դուրս էր մնացել 1987 թվականին: Ավելի վաղ խմբային փուլի արգելքը չէր կարողացել հաղթահարել մրցաշարի ֆավորիտներից Ուրուգվայի հավաքականը:
Ամերիկայի Գավաթ, երրորդ տուր
B խումբ
Բրազիլիա – Պերու՝ 0:1
Ռաուլ Ռուիդազ, 75
Էկվադոր – Հաիթի՝ 4:0
Էներ Վալենսիա, 11, Ջեյմի Այովի, 20, Կրիստիան Նոբոա, 57, Անտոնիո Վալենսիա, 78
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.