Ֆրանսիայում մեկնարկեց Եվրո-2016-ը (ֆոտո)
23:05 10 հունիսի, 2016Փարիզի Սեն Դենի արվարձանի «Ստադ դեը Ֆրանս» ստադիոնում տեղի ունեցած հանդիսավոր արարողությամբ մեկնարկեց ֆուտբոլի Եվրոպայի առաջնությունը: Բացման խաղում մրցում են Ֆրանսիայի եւ Ռումինիայի հավաքականները, որոնք ընդգրկված են A խմբում:
Առաջին անգամ այս մրցաշարին կմասնակցի 24 հավաքական: Մասնակիցների թվի զգալի մեծացման շնորհիվ, առաջին անգամ Եվրոպայի չեմպիոնի կոչման համար կպայքարեն Իսլանդիան, Հյուսիսային Իռլանդիան, Սլովակիան, Ուելսն ու Ալբանիան:
Ֆավորիտներն են կազմակերպիչ Ֆրանսիան, աշխարհի չեմպիոն Գերմանիան, Եվրոպայի չեմպիոն Իսպանիան, նաեւ Անգլիան, Բելգիան, Պորտուգալիան եւ Իտալիան: Առաջին անգամ կլինի 1/8 եզրափակիչ: Նախկինում փլեյ-օֆֆը սկսվում էր քառորդ եզրափակիչից:
Փարիզյան ահաբեկչություններից հետո Եվրո-2016-ի կազմակերպիչների համար առաջին տեղում անվտանգության խնդիրն է:
Մրցաշարի մասնակիցների, երկրպագուների անվտանգությունն ու ընդհանուր հասարակական կարգը մեկ ամիս կապահովի մոտ 100 հազար ոստիկան, հատուկ ծառայությունների աշխատակիցներ եւ զինվորականներ: Անվտանգության ծախսերը հասել են 45 միլիոն եվրոյի: Մեկ ամսում Ֆրանսիա կայցելի մոտ 2.5 միլիոն ֆուտբոլասեր:
Կազմակերպիչներն իրավունք են վերապահել ֆուտբոլիստների եւ երկրպագուների կյանքին հնարավոր ամենաչնչին վտանգի դեպքում դադարեցնել հանդիպումները: Լրացուցիչ գլխացավանք կդառնան Ֆրանսիայի երկաթուղային եւ օդային տրանսպորտի աշխատակիցների գործադուլները, որոնք ուղղված են աշխատանքային շաբաթը 35 ժամից 46 ժամ դարձնելու դեմ:
Չեմպիոնը հայտնի կդառնա հուլիսի 10-ին կայանալիք եզրափակիչում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.