Paris Grand Chess Tour. Նակամուրան՝ հաղթող, Արոնյանը՝ 6-րդն է
21:52 10 հունիսի, 2016Ամերիկացի Հիկարու Նակամուրայի հաղթանակով Փարիզում ավարտվեց Grand Chess Tour շարքի առաջին փուլի արագ շախմատի մրցաշարը: Նակամուրան 18 հնարավորից վաստակեց 14 միավոր (հաղթանակի համար տրվում է 2, ոչ ոքիի համար՝ 1 միավոր) եւ միանձնյա գրավեց առաջին տեղը: Նրանից 1 միավոր հետ մնաց աշխարհի չեմպիոն, նորվեգացի Մագնուս Կարլսենը:
Լեւոն Արոնյանը 9 միավորով գրավեց 6-րդ տեղը: Հայկական շախմատի առաջատարը հաղթանակ տարավ ֆրանսիացի Լորան Ֆրասինյեի, ամերիկացի Ֆաբիանո Կարուանայի եւ բուլղարացի Վեսելին Տոպալովի նկատմամբ, ոչ ոքի խաղաց հոլանդացի Անիշ Գիրիի, ֆրանսիացի Մաքսիմ Վաշյե-Լագրավի, ռուսաստանցի Վլադիմիր Կրամնիկի, պարտվեց Մագնուս Կարլսենին, ամերիկացիներ Ուեսլի Սոին եւ Հիկարու Նակամուրային:
Հունիսի 11-ին եւ 12-ին երկու շրջանով կանցկացվի կայծակնային խաղի մրցաշարը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։