Grand Chess Tour. Արոնյանը Կարլսենի, Կարուանայի, Կրամնիկի հետ մեկնարկում է Փարիզում
00:19 9 հունիսի, 2016Հայկական շախմատի առաջատար Լեւոն Արոնյանը աշխարհի ուժեղագույն գրոսմայստերների հետ հունիսի 9-ին Փարիզում կմեկնարկի Grand Chess Tour-ի առաջին մրցաշարը: Արոնյանի մրցակիցները կլինեն աշխարհի չեմպիոն Մագնուս Կարլսենը (Նորվեգիա), Ֆաբիանո Կարուանան, Հիկարու Նակամուրան, Ուեսլի Սոն (բոլորը՝ ԱՄՆ), Անիշ Գիրին (Հոլանդիա), Վլադիմիր Կրամնիկը (Ռուսաստան), Վեսելին Տոպալովը (Բուլղարիա), Մաքսիմ Վաշյե-Լագրավն ու Լորան Ֆրեսինեն (երկուսն էլ՝ Ֆրանսիա):
Շախմատիստները կմրցեն արագ եւ կայծակնային խաղի պարտիաներում: Ռապիդի մրցաշարը հունիսի 9-ին եւ 10-ին է, բլիցինը՝ հունիսի 11-ին եւ 12-ին:
Grand Chess Tour-ի հաջորդ մրցաշարերը կլինեն հուլիսին Բրյուսելում, օգոստոսին ԱՄՆ-ի Սենթ Լուիս քաղաքում եւ դեկտեմբերին Լոնդոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։