Իվանովը դուրս է բերվել կոմայից

Խառը մենամարտերի հայտնի բուլղարացի մարտիկ Բլագոյ Իվանովը դուրս է բերվել արհեստական կոմայի վիճակից: Իվանովը փետրվարին Սոֆիայի ակումբներից մեկում ծեծկռտուքի ժամանակ դանակով հարված էր ստացել սրտի հատվածում: Իվանովի վիճակը չափազանց ծանր էր: Վիրահատությունից հետո նա միացվել էր արհեստական շնչառության սարքին, հաղորդում է Vsekiden.

Հիշեցնենք, որ ապրիլի 24-ին Բլագոյ Իվանովը պետք է Սոֆիայում մասնակցեր MMA մրցաշարի: Մարտական սամբոյում մասնագիտացող Իվանովը հայտնի է 2008-ին Սանկտ Պետերբուրգում Ֆյոդոր Եմելյանենկոյի նկատմամբ տարած հաղթանակով: