«Արսենալը» 30 միլիոն է առաջարկել Հենրիխ Մխիթարյանի համար
11:42 8 հունիսի, 2016Դորտմունդի «Բորուսիան» ու Լոնդոնի «Արսենալը» շարունակում են բանակցել Հենրիխ Մխիթարյանի տրանսֆերի հարցով:
Gazzetta dello Sport-ի լրագրող Նիկոլո Շչիրան թվիթերյան էջում հայտնել է, որ անգլիական ակումբը 30 միլիոն եվրո է առաջարկել Հայաստանի հավաքականի 27-ամյա կիսապաշտպանի համար: Ըստ իտալացի լրագրողի՝ բանակցությունները շարունակվում են:
Ավելի վաղ հայտնի էր դարձել, որ «Բորուսիան» դեմ չէ բաժանվել հայ կիսապաշտպանից, որը հրաժարվում է կնքել նոր պայմանագիր: Նրա գործող պայմանագիրն ավարտվում է 2017-ի ամռանը:
Գերմանիայի ավարտված առաջնությունում Հենրիխ Մխիթարյանը մասնակցել է 31 խաղի եւ դարձել 11 գոլի ու 18 գոլային փոխանցման հեղինակ: Նրա ծառայություններով հետաքրքրված են նաեւ Լոնդոնի «Չելսին», «Տոտենհեմը» եւ Թուրինի «Յուվենտուսը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։