Ռիո-2016. Հայաստանի 27-րդ օլիմպիականը
17:50 7 հունիսի, 2016Հայ օլիմպիականների թիվն ավելացավ եւս մեկով: Ձյուդոիստ Հովհաննես Դավթյանը եւս ստացավ 2016թ. Ռիոյի 31-րդ ամառային Օլիմպիական խաղերի մասնակցության իրավունք։
Այս մասին NEWS.am Sport-ի թղթակցի հետ զրույցում հայտնեց Հայաստանի ձյուդոյի ֆեդերացիայի փոխնախագահ Դավիթ Խիթարյանը։
«Հաստատվեց Հովհաննես Դավթյանի օլիմպիական ուղեգիրը։ Մենք վստահ էինք, որ ուղեգիրը մերն է, քանի որ վարկանիշային աղյուսակում Հովհաննես Դավթյանը լավագույն 22-ի մեջ 10-րդն էր, իսկ օլիմպիական ուղեգիր հասնում է վարկանիշային աղյուսակի լավագույն 22 ձյուդոիստներին։
Օրերս փակվեց աղյուսակը եւ Ձյուդոյի միջազգային ֆեդերացիան հրապարակեց Ռիոյի Օլիմպիական խաղերին մասնակցող մարզիկների պաշտոնական ցանկը: Վերջնական արդյունքներից հետո մեր մարզիկը մնաց 10-րդ տեղում, թեեւ վերջին երկու մրցաշարերին չմասնակցեց»,- ասաց Դավիթ Խիթարյանը։
Հովհաննես Դավթյանը դարձավ Հայաստանի 27-րդ օլիմպիականը։
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.