Հայկական շախմատի առաջատար Լեւոն Արոնյանը ՖԻԴԵ-ի դասակարգման հունիսյան աղյուսակում բարձրացել է չորրորդ տեղ՝ 2792: Նախորդ երեք ամիսներին Արոնյանը զբաղեցնում էր 7-րդ տեղը:
Առաջատարը աշխարհի չեմպիոն, նորվեգացի Մագնուս Կարլսենն է՝ 2855: Արոնյանը զիջում է նաեւ ռուսաստանցի Վլադիմիր Կրամնիկին եւ ամերիկացի Ֆաբիանո Կարուանային: Առաջին տասնյակում են նաեւ ֆրանսիացի Մաքսիմ Վաշյե-Լագրավը, ամերիկացի Հիկարու Նակամուրան, չինացի Դինգ Լիրենը, հոլանդացի Անիշ Գիրին, ռուսաստանցի Սերգեյ Կարյակինը եւ ամերիկացի Ուեսլի Սոն:
Գաբրիել Սարգսյանը 59-րդն է (2679), Վլադիմիր Հակոբյանը՝ 65-ը (2675), Սերգեյ Մովսիսյանը՝ 89-ը (2660):
Երկրների դասակարգման աղյուսակում Հայաստանը 7-րդն է: Ավելի բարձր դիրք ունեն Ռուսաստանը, Չինաստանը, ԱՄՆ-ն, Ուկրաինան, Հնդկաստանը եւ Ֆրանսիան:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։