Օլիմպիական չեմպիոն Իրինա Ռոդնինայի անվան մարզադպրոցում կայացել է գեղասահքի Հայաստանի բաց առաջնությունը, հայտնում է ՀԱՕԿ-ի կայքը:
Կանանց պայքարում 150,26 միավորով հաղթող դարձավ պատանեկան Օլիմպիական խաղերի մասնակից Անաստասիա Գալուստյանը: Երկրորդ տեղում Միլենա Դանիելյանն է (68,34 միավոր), իսկ եռյակը եզրափակել է Նատալի Գզիրյանը (54.99 միավոր):
Տղաների մրցաշարին մասնակցում էին երկու գեղասահորդ` Սլավիկ Հայրապետյանը եւ Կանադան ներկայացնող Ջեկ Կերմեզյանը: 178,45 միավորով առաջին տեղում Սլավիկ Հայրապետյանն է, իսկ Կերմեզյանը հավաքեց 177,44 միավոր:
Հունիսի 1-ին կկայանա առաջնության պարգեւատրման արարողությունը, որի ժամանակ գեղասահորդները կներկայանան ցուցադրական ելույթներով: Առաջնությանը մասնակցում էին 45 գեղասահորդներ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։