Հայ մարմնամարզիկները վերադարձել են Հայաստան
10:47 31 մայիսի, 2016Մարմնամարզության Հայաստանի հավաքականը վերադարձել է Շվեյցարիայի մայրաքաղաք Բեռնում կայացած Եվրոպայի առաջնությունից, հայտնում է ՀԱՕԿ-ի կայքը:
Բեռն-Մոսկվա-Երեւան չվերթով Հայաստան ժամանեցին Եվրոպայի չեմպիոն Հարություն Մերդինյանը, փոխչեմպիոններ Արթուր Դավթյանը, Վահագն Դավթյանը եւ Արթուր Ավետիսյանը, ինչպես նաեւ թիմի մյուս անդամները եւ մարզիչները՝ գլխավոր մարզիչ Հակոբ Սերոբյանի գլխավորությամբ:
Մարմնամարզիկներին դիմավորելու էին եկել Հայաստանի սպորտի եւ երիտասարդության հարցերի նախարար Գաբրիել Ղազարյանը, ՀԱՕԿ-ի գլխավոր քարտուղար Հրաչյա Ռոստոմյանը, մարմնամարզության ֆեդերացիայի նախագահ, Օլիմպիական խաղերի չեմպիոն Ալբերտ Ազարյանը, բազմաթիվ մարզասերներ, հարազատներ եւ ընկերներ:
Հիշեցնենք, որ Շվեյցարիայում Հարություն Մերդինյանը Եվրոպայի չեմպիոնի տիտղոսը նվաճել էր նժույգի վարժությունում, Վահագն Դավթյանը արծաթե մեդալակիր էր դարձել օղակների վարժությունում, իսկ Արթուր Դավթյանը երկրորդ տեղն էր գրավել հենացատկում: Արթուր Ավետիսյանն էլ արծաթե մեդալ էր նվաճել երիտասարդների մրցաշարի օղակների վարժությունում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.