«Բորուսիան» «Չելսիին» ու «Արսենալին» մերժել է Հենրիխ Մխիթարյանի հարցով
14:50 23 մայիսի, 2016Հայաստանի հավաքականի կիսապաշտպան Հենրիխ Մխիթարյանը, հավանաբար, եւս մեկ մրցաշրջան կանցկացնի Դորտմունդի «Բորուսիայում»:
Express.co.uk-ը գրում է, որ գերմանական ակումբը մերժել է Լոնդոնի «Չելսիին» ու «Արսենալին», որոնք ցանկանում են ձեռք բերել 27-ամյա ֆուտբոլիստին: «Բորուսիան» չի ցանկանում կորցնել թիմի եւս մեկ առաջատարի, քանի որ Մատս Հումելսն արդեն պայմանագիր է կնքել Մյունխենի «Բավարիայի» հետ, իսկ Իլկայ Գյունդոգանը մոտ է անգլիական «Մանչեսթեր Սիթի» տեղափոխվելուն:
Հիշեցնենք, որ «Բորուսիայի» հետ Մխիթարյանի պայմանագիրն ավարտվում է 2017-ի ամռանը, երբ նա կկարողանա ազատ գործակալի կարգավիճակով տեղափոխվել այլ ակումբ: Գերմանիայի ավարտված առաջնությունում Հենրիխը մասնակցել է 31 խաղի եւ դարձել 11 գոլի ու 18 գոլային փոխանցման հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.