«Բորուսիան» կողմնորոշվել է Հենրիխ Մխիթարյանի տրանսֆերային արժեքի հարցում
13:04 19 մայիսի, 2016Դորտմունդի «Բորուսիան» կողմնորոշվել է, թե որքան գումարի դիմաց է պատրաստ բաժանվել Հայաստանի հավաքականի կիսապաշտպան Հենրիխ Մխիթարյանից, որը հրաժարվում է երկարաձգել գործող պայմանագիրը:
Գերմանական ակումբը 27-ամյա ֆուտբոլիստի տրանսֆերային արժեքը գնահատում է 60 միլիոն եվրո, գրում է Goal.com-ը՝ հղում անելով Bild թերթին:
Մխիթարյանի գործակալ Մինո Ռայոլան հայտնել է, որ հայ ֆուտբոլիստը մտադիր չէ երկարաձգել պայմանագիրը, քանի որ «Բորուսիան» նոր համաձայնագրում չի ցանկանում նշել կլաուզուլա (տրանսֆերի նվազագույն արժեքը, որին համապատասխան առաջարկ ստանալիս ակումբը պարտավոր է վաճառել ֆուտբոլիստին):
Հենրիխ Մխիթարյանի ծառայություններով հետաքրքրված են Լոնդոնի «Չելսին» ու «Արսենալը» եւ Թուրինի «Յուվենտուսը»:
Հայ կիսապաշտպանի եւ «Բորուսիայի» միջեւ գործող պայմանագիրն ավարտվում է 2017-ի ամռանը: Նրան ձեռք բերելու համար գերմանական ակումբը 2013-ին 27.5 միլիոն եվրո է վճարել Դոնեցկի «Շախտյորին»: Գերմանիայի ավարտված առաջնությունում Հենրիխը մասնակցել է 31 խաղի եւ դարձել 11 գոլի ու 18 գոլային փոխանցման հեղինակ: Գերմանական Kicker-ն ու DW-ն նրան ճանաչել էին Բունդեսլիգայի այս մրցաշրջանի լավագույն ֆուտբոլիստ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.