Գրիգոր Մխիթարյանը՝ Եվրոպայի չեմպիոն

12:25   16 մայիսի, 2016

Կազանում ավարտված սամբոյի Եվրոպայի առաջնությունում Գրիգոր Մխիթարյանը նվաճել է չեմպիոնի տիտղոսը:

Մարտական սամբոյի մրցաշարի 52 կգ քաշային կարգի եզրափակիչում Մխիթարյանը 1:0 հաշվով հաղթել է Ռուսաստանը ներկայացնող Արտուշ Ասրյանին` նվաճելով Հայաստանի միակ ոսկե մեդալը Եվրոպայի առաջնությունում:

Հայաստանի մեկ այլ ներկայացուցիչ Վաչիկ Վարդանյանը 68 կգ քաշայինների եզրափակիչում պարտվել է ռուսաստանցի Ռուսլան Գասանխանովին եւ բավարարվել արծաթե մեդալով:

Մարտական սամբոյի մրցաշարում Հայաստանի հավաքականը 4 մեդալով (1 ոսկե, 1 արծաթե, 2 բրոնզե) թիմային հաշվարկում գրավել է երրորդ տեղը:

Հիշեցնենք, որ մարզական սամբոյի մրցաշարում Տիգրան Կիրակոսյանը (52 կգ) դարձել էր Եվրոպայի փոխչեմպիոն, իսկ Մխիթար Մխիթարյանը (57 կգ) եւ Էդիկ Պետրոսյանը (90 կգ) նվաճել են բրոնզե մեդալներ:

Տեսանյութում Գրիգոր Մխիթարյանի եզրափակիչ գոտեմարտը՝ 48:00-ից



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։