Ադրբեջանցիները ծեծկռտուք են հրահրել արցախցի մարզիկին պարտվելու ժամանակ
13:10 14 մայիսի, 2016Ուկրաինայի Լվով քաղաքում անցկացվող Կունգ-ֆուի Եվրոպայի առաջնության ժամանակ զանգվածային բախում է տեղի ունեցել Հայաստանի ու Ադրբեջանի ներկայացուցիչների միջեւ, հայտնում է ermenihaber.am-ը:
Արցախցի Դավիթ Պետրոսյանի մեծ առավելությամբ անցած մենամարտի վերջնամասում Ադրբեջանի թիմի մարտավկան փորձել է հարվածել հայ մարզիկին, որի վրա թիկունքից հարձակվել է նաեւ ռինգում գտնվող նրա ադրբեջանցի մրցակիցը: Դրանից հետո ադրբեջանական թիմի մարզիչներն ու մարզիկները մահակներով հարձակվել են Հայաստանի հավաքականի անդամների վրա:
Կասկածներ կան, որ սադրանքը նախապես է ծրագրված եղել, ինչի մասին վկայում են ադրբեջանցիների՝ մարզադահլիճ տարած մահակները: Ադրբեջանցիները նույնիսկ հարվածել են Եվրոպայի Կունգ-ֆուի ֆեդերացիայի նախագահ Նիկոլայ Մատուլյովսկուն, որը փորձել է մարմնով փակել արցախցի մարզիկին:
Ծեծկռտուքին միջամտել են ոստիկանության աշխատակիցները, իսկ ադրբեջանական թիմը նկատողություն է ստացել ու որակազրկվել:
Մինչեւ այդ միջադեպը Հայաստանը ներկայացնող Աշոտ Հարությունյանը մենամարտել է ադրբեջանցի մարզիկի հետ ու տարել վստահ հաղթանակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.