Բեքհեմ. Ես խիստ հիասթափված եմ
20:28 28 հունիսի, 2012Բնականաբար, ես խիստ հիասթափված եմ այդ տեղեկությամբ: Բայց Օլիմպիական խաղերի ժամանակ ինձանից ավելի կրքոտ եւ հավատարիմ երկրպագու չի լինելու, հայտարարել է «Լոս Անջելես Գելաքսի» ակումբի 37-ամյա կիսապաշտպան Դեւիդ Բեքհեմը, երբ հայտնի է դարձել, որ նա Լոնդոնի Օլիմպիական խաղերում չի ընդգրկվել Մեծ Բրիտանիայի հավաքականի կազմում:
«Պետք է հուսամ եւ հավատամ, որ Մեծ Բրիտանիան կհաղթի ֆուտբոլային մրցաշարում: Անհամբեր սպասում եմ Խաղերի մեկնարկին, որպեսզի վայելեմ դրա յուրաքանչյուր պահը, ինչպես եւ բոլոր բրիտանացիները»,- Բեքհեմի խոսքն է մեջբերում Associated Press-ը:
Հիշեցնենք, որ Օլիմպիական խաղերի ֆուտբոլի մրցաշարին կարող են մասնակցել մինչեւ 23 տարեկան խաղացողներ, ինչպես նաեւ երեք ֆուտբոլիստներ` առանց տարիքային սահմանափակման: Մեծ Բրիտանիայի հավաքականի գլխավոր մարզիչ Ստյուարտ Պիրսը որոշել է կազմում ընդգրկել Ռայան Գիգզին, Քրեյգ Բելամիին եւ Միկա Ռիչարդսին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.