Արթուր Աբրահամի եղբայրը՝ սքվոշի մրցաշարի հաղթող

18:32   28 հունիսի, 2012

Պրոֆեսիոնալ բռնցքամարտի աշխարհի նախկին չեմպիոն, չեմպիոնի հավակնորդ Արթուր Աբրահամի հորեղբոր որդին՝ Դավիթ Աբրահամյանը նվաճել է Հայաստանում առաջին անգամ անցկացված սքվոշի առաջնության հաղթողի կոչումը 13-17 տարեկան տղաների խմբում։ Երկրորդ տեղը զբաղեցրել է Հովհաննես Գրիգորյանը, երրորդը` Սիմոն Մանուկյանը:

Հաղթողները պարգեւատրվել են մեդալներով, պատվոգրերով: Սքվոշի հայկական ազգային ֆեդերացիայի նախագահ Միքայել Վարդանյանը  մրցանակակիրներին շնորհել է Սքվոշի հայկական ազգային ֆեդերացիայի անդամակցության քարտեր, իսկ առաջին պատվավոր տեղը զբաղեցրած մարզիկները «Գրանդ սպորտ» մարզահամալիրի տնօրինության կողմից ստացել են սքվոշի ռակետներ:

Սքվոշի հայկական ազգային ֆեդերացիան ստեղծվել է 2011թ. հուլիսին` սքվոշը Հայաստանում զարգացնելու եւ խթանելու նպատակով: Սքվոշի հայկական ազգային ֆեդերացիան սքվոշի համաշխարհային Ֆեդերացիայի (WSF) եւ սքվոշի եվրոպական ֆեդերացիայի (ESF) անդամ է:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։