Ռայան Գիգզը կմասնակցի Լոնդոնի Օլիմպիական խաղերին

Անգլիական «Մանչեսթեր Յունայթեդի» 39-ամյա կիսապաշտպան Ռայան Գիգսը ֆուտբոլի Մեծ Բրիտանիայի հավաքականի կազմում կմասնակցի հուլիսի 27-ին մեկնարկող Լոնդոնի Օլիմպիական խաղերին, հաղորդում է Goal.com-ը:

Հիշեցնենք, որ Օլիմպիական խաղերի ֆուտբոլի մրցաշարին կարող են մասնակցել մինչեւ 23 տարեկան խաղացողներ, ինչպես նաեւ երեք ֆուտբոլիստների առանց տարիքային սահմանափակման: Գիգզից բացի թիմում է ընդգրկվել «Լիվերպուլի» 32-ամյա ուելսցի հարձակվող Կրեյգ Բելամին:

Ամերիկյան «Լոս Անջելես Գելեքսիի» 37-ամյա կիսապաշտպան Դեւիդ Բեքհեմը չի մասնակցի Օլիմպիական խաղերին: Մեծ Բրիտանիայի հավաքականի վերջնական կազմը կհրապարակվի հուլիսի 6-ին: