Լեւոն Արոնյանը պարտվեց Մագնուս Կարլսենին

Հայկական շախմատի առաջատար Լեւոն Արոնյանը մասնակցում է Նորվեգիայի Ստավանգեր քաղաքում մեկնարկած Norway Chess 2016 սուպերմրցաշարին: Հիմնական մրցաշարին նախորդած կայծակնային խաղի մրցաշարում Լեւոն Արոնյանը 9 հնարավորից վաստակել է 4.5 միավոր եւ գրավել է 5-րդ տեղը:

Արոնյանը սպիտակներով պարտվել է աշխարհի չեմպիոն, նորվեգացի Մագնուս Կարլսենին, սպիտակներով հաղթել է հնդիկ Պենտալա Հարիկրիշնային, մնացած պարտիաներն ավարտել է ոչ ոքի:

Հաղթող է դարձել Մագնուս Կարլսենը, որը վաստակել է 7.5 միավոր:

Մրցաշարին մասնակցում են նաեւ ֆրանսիացի Մաքսիմ Վաշյե-Լագրավը, հոլանդացի Անիշ Գիրին, ռուսաստանցիներ Վլադիմիրր Կրամնիկն ու Սերգեյ Կարյակինը, բուլղարացի Վեսելին Տոպալովը, ուկրաինացի Պավել էլյանովը եւ շվեդ Նիլս Գրանդելիուսը:

Առաջին տուրը ապրիլի 19-ին է: